على رأى المثل : حسبة برما . . .
برما هى بلد جنب طنطا بالغربية
حكاية المثل إن واحدة ست من برما كانت رايحة السوق
ومعاها سبت مليان بيض عشان تبيعه هناك زى مابتعمل كل أسبوع
و فجأة جه ولد على بسكليتة وراح خابطها ووقع سبت البيض عالأرض والبيض كله اتكسر
اتلمت الناس و لما لقوها زعلانة و بتبكى عالبيض اللى اتكسر
سألوها عن عدده عشان يقدروا ثمنه و يلمولها حقه من بعض تعويض لها .
قالت لهم
لو قسمنا عدد البيض على 3 هيفضل واحدة
و لو قسمناه على 4 هيفضل واحدة
و لو قسمناه على 5 هيفضل واحدة
و لو قسمناه على 6 برضه هيفضل واحدة
لكن إن قسمناه على 7 مش هيفضل حاجة . .
الناس احتارت فى الحسبة دى و فين و فين لما عرفوا حلها
و لفت الحكاية البلد و مصر كلها بعد كده و بقت مثل . . .
المهم ياترى عرفنا حسبة برما
كانت إيه !؟ عالعموم البيض اللى فى السبت كان عدده 301 بيضة . . .
ليست هناك تعليقات:
إرسال تعليق